lunes, 30 de mayo de 2016

Alcuentru lliterariu: Samaladrán. Islla de lleendes (Factoría Cultural d'Avilés)



Martes 31 de mayu a les 14:45 h, alcuentru lliterariu con Víctor Raúl Pintado Rey (Vitu) y Raquel Álvarez Iglesias (Niña Rata), autores de Samalandrán. Islla de lleendes.
Entamen: Estaya de la Llingua d’Avilés, Factoría Cultural d’Avilés y el colexu Principáu d’Avilés.
Llugar: Espaciu escénicu, Factoría Cultural d’Aviles.

miércoles, 18 de mayo de 2016

Nun-yos tengas perceguera 2


Sidoro Villa Costales
Montesín redrueyu, 39
ISBN: 978-84-8053-849-7
17 x 19 cm || 44 páxs. || PVP: 7

Al traviés de la poesía, Sidoro Villa, vuelve otra vegada a esplicar a los rapacinos y rapacines les maneres de vida y los sentimientos (que tamién los tienen) de los animales que pueblen la tierra d’Asturies. Nun-yos tengas perceguera 2 ye un prestosu y atractivu llibru qu’avera a la xente menudo al mundu animal y a la poesía, dos escentricidaes nel mundu de la postmodernidá tecnolóxica.

jueves, 12 de mayo de 2016

Presentación conxunta de «Yo taba ellí» y «Hestoria de la l.literatura primera en Pesicia», LibrOviedo (Uviéu)


Vienres 13 de mayu a les 18:30 h, María Esther García López y Roberto Gonzalez-Quevedo van falar de les sos obres Yo taba ellí y Hestoria de la l.literatura primera en Pesicia
Llugar: LibrOviedo 2016 (Plaza Trescorrales, Uviéu)

Presentación en Xixón de «Caricote» de Carla Menéndez Fernández


Xueves 12 de mayu a les 20:00 h, presentación del álbum infantil Caricote, de Carla Menéndez Fernández.
Participa, amás de l’autora: Esther Prieto, d’Ediciones Trabe
Llugar: Sala de conferencies del Centru Cultural Antiguu Institutu (c/ Xovellanos 21, Xixón)

jueves, 5 de mayo de 2016

Caricote


Carla Menéndez Fernández
Vivir del cuentu, 4
ISBN: 978-84-8053-838-1
12,5 x 22 cm || 24 páxs. || PVP: 10

Caricote ye un perrucuspín que nun-y presta nada vivir, xugar o mesmo xintar en compañía, hasta qu'un día pínchase con un escayu... y entós entama barruntar que ll'aislamientu nun ye tan bono y qu'igual la compañía nun ta de más, inclusive pa facer arrollones peles cuestes del pueblu.
Tolos llibros d'esta colección tienen una temática o céntrense en personaxes mui bien averaos a la cultura asturiana, cuando d'anguaño, cuando del pasáu, cuando seres humanos, cuando animales emblemáticos de la tierra astur. Mui atractivos pa trabayar na aula cola reciella más nueva, tán ilustraos a color y encuardernaos a tapa.

Samalandrán. Islla de lleendes


Víctor Raúl Pintado Rey, Vitu
Ilustraciones de Niña Rata
Tapa dura
ISBN: 978-84-8053-835-0
21,5 x 30,5 cm || 58 páxs. || PVP: 10

En Samalandrán, una isllina a la vera d’Abiyés, viven Salia y Asur, una pareya de rucherinos que van vivir una aventura con corsarios maldadosos, tesoros escondíos, islles misterioses y pergaminos con pallabres sagraes…
Samalandrán ye la islla misteriosa rellacionada colos viaxes del llexendariu monxu irlandés, que nesta ocasión visita la mariña cantábrica asturiana.
Pero amás de recuperar esta mítica lleenda, esta hestoria quier asoleyar dalgunes de les nueses costumes más antigües, como los raigaños populares de la Pascua asturiana (la fumaza, los güevos pintos, les pegarates) y el vezu de dir a la rucha.
Guapu llibru, a tou color y encuadernáu en tapa, pa la reciella más nuevo.

Samalandrán. Isla de contos



Víctor Raúl Pintado Rey, Vitu
Ilustraciones de Niña Rata
Traducción y adaptación al gallego-asturiano: Miguel Rodríguez Monteavaro
Tapa dura
ISBN: 978-84-8053-836-7
21,5 x 30,5 cm || 58 páxs. || PVP: 10

En Samalandrán, un islía cerca d’Abiyés, viven Salia y Asur, úa parexa d’ayalgueiros que van vivir úa búa aventura con corsarios mui malos, tesouros escondidos, islas misteriosas y pergamíos con palabras sagradas...
Samalandrán é el isla misteriosa relacionada cos viaxes del mítico monxe irlandés, que nesta ocasión visita a marina cantábrica asturiana. Pro ademáis de recuperar esta llenda, esta hestoria quer resaltar dalgúas das nosas costumes máis antigas, como os reigaños populares da Pascua asturiana (a fumaza, os ovos pintos, as bollas) y el trabayo d’ir á escabezada.

martes, 3 de mayo de 2016

Fontenebrosa III: el final


Vicente García Oliva
VIII Premiu «María Josefa Canellada» de Lliteratura Infantil y Xuvenil 
Pesllera, 7
ISBN: 978-84-8053-840-4
12,5 x 22 cm || 156 páxs. || PVP: 10

La xana Ermesinda alcuerda los díes doliosos nos que la Fontenebrosa qu’ella conociere dexare d’esistir. Les Guerres del Sangre entamaes ente los fíos de Goyo y Ximena, la traición de los güercos y el poder dictatorial qu’éstos llantaron nesa tierra mítico convirtieron el país antaño pacetible en tierra d’aluvión de xente malo y criminal.
Pero nel territoriu de Fontenebrosa entovía hai héroes y heroínes: Lena ya Iyán, habitantes de la tierra de Maliayo, descendientes de la raza de los silentes, van ser quien a camudar la realidá.
Con esta obra Vicente García Oliva (Xixón, 1944) acaba la triloxía sobre un reinu bien curiosu y máxicu, que se complementa con Fontenebrosa: el reinu de los silentes y Fontenebrosa II: la rebelión de los homosaurios. 

Vértigu. L'atracción del abismu na sociedá contemporánea


José Ángel Gayol
XXI Premiu d'Ensayu «Máximo Fuertes Acevedo»

ISBN: 978-84-8053-839-8
14 x 21,5 cm || 168 páxs. || PVP: 12

Con Vértigu. L’atracción del abismu na sociedá contemporánea, obra d’estructura bien novedosa, l’autor indaga sobre un mundu aceleráu, nel que’l vértigu apodera con too hasta «nun dexar tiempu pa pensar, pa reflexonar con vagar». Dende’l cumal de los rascacielos de Wall Street, de Dubái o de Kuala Lumpur naide nun tien posa: homes y muyeres cuerren como formigues ensin destín.
Nesta obra, l’autor tenta de desentrellizar l’andoliar del ser humanu nuna sociedá cambiante y inestable que lu fai andar siempre al debalu, col maréu del vértigu y de la velocidá. Y failo con una narración harmoniosa y un llinguaxe bien áxil y llixeru.
José Ángel Gayol (Mieres del Camín, 1977) ye escritor y críticu lliterariu. Como poeta tien publicaos los llibros Con el velo de una sonrisa (2006, en castellanu), Los poemes del oriental (2012), El llibru de les coses misterioses (2013), Los suaños y los díes (2014) y Una selmana y otros díes (2015). Nel 2007 vio la lluz la so única novela, Argonautes, y unos años depués, nel 2011, estrena la so carrera como escritor de testos teatrales con Ensin noticies del fin del mundu.

Presentación del Premiu «M.ª Josefa Canellada» de Lliteratura Infantil y Xuvenil, «Fontenebrosa III: el final», de Vicente García Oliva


Presentación del llibru Fontenebrosa III: el final, de Vicente García Oliva
Premiu «M.ª Josefa Canellada» de Lliteratura Infantil y Xuvenil.
Invervienen: Vicente García Oliva y Severino Antuña
Miércoles, 4 de mayu. 19:00 hores
Centru Municipal Integráu de L’Arena (Xixón)

Presentación en Mieres del Premiu «Máximo Fuertes Acevedo» d’Ensayu, «Vértigu», de José Ángel Gayol


Presentación del llibru Vértigu. L’atracción del abismu na sociedá contemporánea, de José Ángel Gayol.
Premiu «Máximo Fuertes Acevedo» d’Ensayu.
Invervienen: José Ángel Gayol y Damián Barreiro
Miércoles, 4 de mayu. 19:00 hores
Casa la Cultura Teodoro Cuesta (Mieres del Camín)