lunes, 21 de diciembre de 2015

La cueva de El Sidrón (Borines, Piloña, Asturias). Segunda edición


Marco de la Rasilla, Antonio Rosas, Juan Carlos Cañaveras y Carles Lalueza-Fox (editores)
Excavaciones Arqueológias en Asturias. Monfografías, 1
ISBN: 978-84-8053-776-6
21 x 29,7 cm || 236 páxs. || PVP: 20

Este libro reúne todas las conclusiones e hipótesis a que han dado lugar los análisis realizados en la cueva de El Sidrón (Borines, Piloña, Asturias). Desde la arqueología a la genética pasando por la geología y la paleoantropología, los resultados han sido reunidos en cerca de trescientas páginas con un gran despliegue gráfico de más de cien imágenes, todo un recopilatorio de información pensado para proyectar la divulgación de uno de los acontecimientos científicos más importantes de los últimos años.
Dispuesto en nueve apartados con sus respectivos anexos, está firmado por todos los investigadores que trabajan en el proyecto, entre los que se encuentran como figuras más destacadas Marco de la Rasilla (arqueología), Antonio Rosas (antropología), Carles Lalueza (genética) y Enrique Martínez (geología). Será un trabajo multidisciplinar que no sólo arrojará luz a la historia de los neandertales sino que planteará algunos de los interrogantes que aún están por despejar.


Proses profanes


Joan Roís de Corella
Torna, entamu, notes y apéndiz léxicu de Pablo Suárez García
Incla interior, 117
ISBN: 978-84-8053-811-4
13 x 20 cm || 372 páxs. || PVP: 15

Joan Roís de Corella (Valencia 1435-1497) ye, quiciabes, el menos conocíu de los clásicos de la lliteratura en catalán, pesie a formar parte d'un selectu garapiellu d'autores del llamáu Sieglu d'Oru valencianu, xunta figures tan importantes como Ausiàs March, Joanot Martorell, Isabel de Villena o Jordi de San Jordi.
Poeta y narrador, eclesiásticu y caballeru, la so obra ye abondosa y variada: relixosa y profana, d'enclín medieval y renacentista. Esta mezclienda y manera de facer de Corella faen d'él l'autor más modernu de la lliteratura en valencianu-catalán de la dómina.
Esti volume, como amuesa'l títulu, recueye namás la so obra en prosa de calter profanu, clasificada en mitolóxica, amorosa y filosófica.
Pablo Suárez García (Udrión, 1973) ye doctor en Filoloxía, inxenieru superior de Telecomunicación, llicenciáu en Ciencies Matemátiques y en Filoloxía Hispánica y especialista universitariu (máster) en Filoloxía Asturiana. Amás d'esta versión n'asturianu de la prosa non relixosa de Corella, tien tornaes a la llingua asturiana obres de gran importancia dientro la lliteratura peninsular como El Quixote, Tirán el Blancu (de Joanot Martorell), o El suañu (de Bernat Metge).

El suañu


Bernat Metge
Entamu, notes y torna de Pablo Suárez García
Incla interior, 116
ISBN: 978-84-8053-824-4
13 x 20 cm || 184 páxs. || PVP: 12

El suañu (Lo somni, nel orixinal catalán) ye la obra maestra de Bernat Metge (Barcelona, h. 1346-1413). Redactada en 1399, ta dividida en cuatro llibros: nos dos primeros cuéntase'l suañu que tuvo l'autor y nel que se-y apaez el rei Xuan I (que morriera unos díes enantes), col que caltién un alderique sobro la inmortalidá de l'alma. En parte del llibru terceru, Orfeo narra'l so viaxe al infiernu y nel cuartu, Bernat Metge entra dafechu na llamada querelle de les muyeres, al aldericar con Tiresies sobro los defeutos y virtúes d'estes, siendo l'autor catalán un gran defensor d'elles.
El suañu, obra cume de la creación medieval en catalán, ye un diálogu filosóficu nel que s'entemecen fechos reales y personaxes de la dómina con otros mitolóxicos. Con ella l'autor derrompe'l camín d'una lliteratura más clásica y d'una humanidá más llibre y racional que tenta d'allongase de la visión eclesiástica de la dómina.
Pablo Suárez García (Udrión, 1973) ye doctor en Filoloxía, inxenieru superior de Telecomunicación, llicenciáu en Ciencies Matemátiques y en Filoloxía Hispánica y especialista universitariu (máster) en Filoloxía Asturiana. Amás d'esta versión n'asturianu de Lo somni qu'agora s'edita, tien tornaes a la llingua asturiana obres de gran importancia dientro la lliteratura peninsular como El Quixote, Tirán el Blancu (de Joanot Martorell), o Proses profanes (de Joan Roís de Corella).

De les hores y les memories


Xuan Xosé Sánchez Vicente
Pontiga, 20
ISBN: 978-84-8053-782-7
14 x 21 cm || 84 páxs. || PVP: 10

Hai más d’una década que Xuan Xosé Sánchez Vicente nun publica un llibru de poesía. Esti qu'equí presentamos ye una obra de madurez, na que l'autor algama gran altor llíricu y na que'l yo poéticu s'amuesa rescamplante. Ye esta una poesía del sosiegu y de la serenidá que da l'aceptación de la vida y de la muerte. En poemes de corte clásicu que s'allarguen como l'alcordanza, va esgranando Sánchez Vicente los grandes temes de la lliteratura universal, el pasu del tiempu, el amor y la muerte, con versos trescalaos de serena señardá polo perdío y de referencies lliteraries al tiempu que la naturaleza va, a poco y a poco, ganando protagonismu.
Xuan Xosé Sánchez Vicente (Xixón, 1949) ye un nome imprescindible de les lletres asturianes: poeta, narrador, dramaturgu y articulista agudu y reflexivu, la so obra, bayurosa y variada, empobina yá'l camín de los clásicos. Asina los sos poemarios Camín de señardaes (1980), Poemes de Xixón (1981), De reidores costes (1988), ...Y de llastientes picos (1999) y As de corazon/es/y/es (2001).

Tantu escaezu


Ricardo Candás
Pontiga, 18
ISBN: 978-84-8053-783-4
14 x 21 cm || 64 páxs. || PVP: 9

Poeta de voz personalísima, Ricardo Candás regálanos otra vuelta unos poemes fechos con precisión d'orfebre de la metáfora y el simbolismu. Tantu escaezu ye un poemariu trescaláu d'ausencia y de fatalidá, nel que «La felicida ye un animal raru / que mora los aguañales / que dexa'l corazón» y la lluz, «tanta lluz arrepentío / que s'arrastra pelos caminos».
Ricardo Candás (Xixón, 1977) ye llicenciáu en Filosofía pola Universidá d'Uviéu. Reconocíu con dalgunos de los premios de más prestixu de les nuestres lletres, tien publicaos los poemarios Quiciás seya payares (2006), Nos díes pensatibles (2011), Naufraxos (2013) y Superficie del silenciu (2014). Nel 2010 estrenóse como prosista col volume de cuentos Les últimes pallabres.

martes, 15 de diciembre de 2015

Presentación en Xixón de «Yo taba ellí» de María Esther García López


Miércoles 16 d'avientu a les 20:00 hores presentación del llibru Yo taba ellí de M.ª Esther García López.
Participen, amás de l'autora:
• Inaciu Galán y González, escritor y miembru d'Iniciativa pol Asturianu
• Esther Prieto, d'Ediciones Trabe

Llugar: Librería La Buena Letra (c/ Casimiro Velasco 12, Xixón)

jueves, 10 de diciembre de 2015

Presentación en Xixón de «Cuadernu robáu» de Vicente García Oliva


Vienres 11 d’avientu a les 20:00 h presentación del llibru Cuadernu robáu de Vicente García Oliva.
Participen, amás del autor:
• Ángeles Carbajal, poeta
• Esther Prieto, d’Ediciones Trabe

Llugar: Librería La buena letra (c/ Casimiro Velasco, 12, 33201, Xixón)

miércoles, 9 de diciembre de 2015

Presentación n'Uviéu de «Chicolate espeso» d'Esther Prieto


Xueves 10 d’avientu a les 19:00 h presentación del llibru Chicolate espeso d’Esther Prieto.
Presenta:
• Inaciu Iglesias, escritor

Llugar: Librería Cervantes (c/ Doctor Casal 9, 33001 Uviéu)

viernes, 4 de diciembre de 2015

Presentación en Corvera de «La guerra de les sacaberes» de Karel Capek


Miércoles 9 d’avientu a les 18:00 h presentación del llibru La guerra de les sacaberes de Karel Capek
Intervienen:
• Cesáreo García Fernández, traductor de la obra
• Rafael Rodríguez Valdés, responsable del Serviciu de Normalización Llingüística de Corvera
• Esther Prieto, d’Ediciones Trabe

Llugar: Centru Sociocultural de Les Vegues (Plaza de la Libertad, 1, 33404, Les Vegues, Corvera)