jueves, 14 de agosto de 2014

Normandía 1944. De turismo por la Historia


David Díaz Cabo
Edita: Portobello
Distribuye: Ediciones Trabe
ISBN: 978-84-937196-16
14,8 x 21 cm || 166 págs. || PVP: 19,95 €

Normandía 1944, de turismo por la Historia, escrita por D. David Díaz, autor experto en esta época, es la primera guía Histórica de campo sobre el Desembarco de Normandía publicada en español. Contiene una completa y rigurosa reseña sobre los hechos acaecidos antes, durante y después de la batalla más famosa de la Segunda Guerra Mundial.
152 páginas, 12 mapas y más de 200 fotografías del estado actual de las fortificaciones convierten esta obra en un libro imprescindible para cualquier persona interesada en este hecho concreto o que simplemente se proponga realizar un viaje por aquellas tierras.
Conviértase en un turista por la Historia a través de las páginas y fotografías de esta publicación.

jueves, 7 de agosto de 2014

¡Hablad en cristiano! Procesos de nacionalización llingüística na construcción de los estaos-nación


Pablo Rodríguez Alonso
Batura, 23
ISBN: 978-84-8053-753-7
14 x 21,5 cm || 244 páxs. || PVP: 12 €

Tocante a la diversidá llingüística de la humanidá, l’autor d’esti ensayu parte de dos premises básiques. D’una parte, la esistencia d’infinidá de llingües ye una característica del ser humanu: la glotodiversidá ye lo natural. D’otra, el panorama llingüísticu nunca foi estable, sinón dinámicu: a lo llargo de la historia nacieron y morrieron idiomes. Sicasí, l’actual ritmu de desaniciu ye enforma altu (por exemplu, según dellos llingüistes, el 50 % de les 6.000 llingües del mundu van desapaecer nun sieglu).
Partiendo d’estes dos premises, l’autor tenta nesta obra d’analizar el porqué de la desapaición de les llingües anguaño, qué procesos históricos y sociales tán detrás de la sustitución llingüística y pa ello va exemplificar el procesu de cambiu idiomáticu nos procesos de nacionalización llingüística desarrollaos nel Reinu Xuníu, Francia y España (con especial dedicación al casu del asturianu y ensin escaecer los procesos de castellanización d’América y de les otres colonies). Amás d’ello, descríbese en qué consiste’l procesu de «nacionalización llingüística» y el rol del idioma na construcción de los discursos nacionales o nacionalistes.
Pablo Rodríguez Alonso (Xixón, 1979) ye historiador, ensayista y poeta, amás de profesor interín de Xeografía y Historia en Secundaria y Bachilleratu. Como escritor llíricu ye autor de los poemarios La lluz del nordés (2006) y Pallabres d’un tiempu (2010) colos que ganó los premios «Teodoro Cuesta» 2005 y «Nené Losada Rico» 2010 respectivamente. Nel añu 2011 publica’l trabayu d’investigación histórica De totalitarios a «demócrates». Franquismu, nazismu y fascismu na II Guerra Mundial al traviés del diariu xixonés «Voluntad» (2011), col qu’algamó’l XII Premiu d’Investigación «Rosario de Acuña» y el Premiu de la Crítica de les Lletres Asturianes na modalidá d’ensayu nel añu 2012. Tien, amás, publicaos los artículos «El nacionalismo bretón desde 1945 a la actualidad» na obra recopilatoria de les I Xornaes d’Historia Contemporánea y «La nacionalización llingüística nos estaos-nación: l’exemplu español» nel llibru Teoría e historia de los nacionalismos contemporáneos, entrambos los dos editaos pola Facultá d’Historia de la Universidá asturiana.

El viaxe


Antón García
VII Premiu Xosefa Xovellanos
Clásicos & contemporanios, 16
ISBN: 978-84-8053-728-5
12,5 x 19 cm || 52 páxs. || PVP: 6 €

Con esta narración curtia algamó Antón García’l VII Premiu Xosefa Xovellanos de Novela. Publicada un añu más tarde (1987), ye pa una parte de la crítica la meyor obra d’esti autor fundamental na lliteratura asturiana d’anguaño. El protagonista d’El viaxe –del que nun sabemos el nome– percuerre la nueche uvieína más cutre y borrachuza acompañáu d’un conocíu de los tiempos d’institutu. Escrita en primer persona, a mou de monólogu interior, según va pasando la nueche, l’alcuerdu d’una ofiensa del pasáu pide y busca venganza.