miércoles, 27 de noviembre de 2013

Presentación d'«En campu abiertu» d'Ángeles Carbajal


Xueves 28 de payares a les 19:00 hores presentación del llibru En campu abiertu d'Ángeles Carbajal (Premiu «Teodoro Cuesta» 2012).
Participen: Marta Mori, escritora; Xuan Bello, escritor y Esther Prieto, d'Ediciones Trabe.
Llugar: Club Prensa Asturiana de La Nueva España (Calvo Sotelo 7, Uviéu)

Literatura de otoño en La Consistorial


Este jueves 28 de noviembre vuelven la literatura de otoño a La Consistorial. A partir de las 20:00 h Miguel Rodríguez Monteavaro nos presenta su poemario «Todos os tristes de Mayo».

martes, 26 de noviembre de 2013

En campu abiertu


Ángeles Carbajal
Premiu «Teodoro Cuesta» 2012
Pontiga, 13
ISBN: 978-84-8053-711-7
14 x 21 cm || 98 páxs. || PVP: 10 €

En campu abiertu, poemariu ganador del Premiu «Teodoro Cuesta» del añu 2012, ye una obra homoxenia na qu’una voz fecha, madura y personal ye a emocionar al traviés d’unos poemes n’apariencia cenciellos, nos que los temes qu’interesen y angustien al ser humanu (el pasu del tiempu, l’amor o la muerte) van apoderando los versos y señoriando’l conxuntu.
Si la bona lliteratura (y, poro, la bona poesía) ye aquella que nos vuelve distintos en lleéndola, esti poemariu cumple por demás con esta premisa; naide nun va quedar indiferente ente versos como estos: «Que me parta un rayu; ¿a quién-y lo pido? / Que la muerte nun m’agarre a un goteru / que xuegue llimpio, / que me pille en campu abiertu».
Ángeles Carbajal (Argüelles, Siero, 1959) ye llicenciada n’Historia del Arte pola Universidá d’Uviéu. Collaboradora na revista Clarín, ye autora de los poemarios en castellanu La caligrafía de la distancia (1993) y La sombra de otros días (2002). 

viernes, 15 de noviembre de 2013

Presentación de «Testamentu» d'Elías Veiga en Tinéu


Sábadu 16 de payares a las 18:00 h presentación del llibru Testamentu d'Elías Veiga.
Participen amás del autor:
• Adolfo Camilo Díaz, escritor
• Esther Prieto, d’Ediciones Trabe
Intervención musical de Nicolás Fernández Suárez (vigulín).
Llugar: Hotel Palaciu Merás (c/ Pío Cuervo, Tinéu)

jueves, 14 de noviembre de 2013

Presentación de «Cuadernu de rayes» na Pola Llaviana

Vienres 15 de payares a les 20:00 h presentación del llibru Cuadernu de rayes de Miguel Allende.

Intervienen:
• Adrián Barbón, alcalde de Llaviana
• José Antonio González, de l’Asociación Cauce del Nalón
• Pablo Rodríguez Medina, escritor
• Esther Prieto, d’Ediciones Trabe


Llugar: Centro de Innovación y Desarrollo del Alto Nalón (CIDAN)
c/ Joaquín Iglesias, 1, La Pola Llaviana

martes, 12 de noviembre de 2013

Presentación d'«Homes» de J. A. Marinas n'Uviéu


Xueves 14 de payares a les 19:00 h presentación del llibru Homes de J. A. Marinas.

Intervienen:
• José Martínez, periodista, escritor y guionista
• Samuel Castro, Ediciones Trabe
Llugar: Club de Prensa de La Nueva España (Calvo Sotelo, 7, 33007 Uviéu)

jueves, 7 de noviembre de 2013

Obra poética


Marcelino Flórez de Prado
Edición, introducción y notes de Xosé Nel Comba Paz
Clásicos asturianos, 5
ISBN: 978-84-8053-705-6
14 x 21 cm || 186 páxs. || PVP: 10 €

Natural d’Uviéu (según Constantino Suárez nació en 1831 ó 1832), Marcelino Flórez de Prado fue doctor en Derecho, miembru del Claustru universitariu uvieín y rexistrador de la propiedá en Granada y Vitoria, onde diba a morrer en 1903.
Canella infórmanos de que Flórez de Prado collaboró en delles publicaciones periódiques, onde dio a estampa tamién les sos poesíes n’asturiano “La Montería”, “Una noche de flemón”, “Entrada de S.M. la Reina Madre en Oviedo” (1852), “Los xigantones” (1871) y “La igualdá” (v. antoloxía), de la qu’escueye una parte pa Poesías selectas en dialecto asturiano. Emilio Marcos Vallaure atopó otros dos poemes, que se dieron a conocer nel primer númberu de Lletres Asturianes (1982): “A S.M. la Reina Madre” y “San Antonio de Padua”.
“La igualdá” publicóse nun folletu l’añu 1894 y d’él fixo l’Academia de la Llingua una edición facsímil en 1995. Lleva’l sotítulu de “Dialogo entre un aldeano de antaño y otro de ogaño” y fechóla l’autor en L’Infiestu n’agostu de 1871.
Obra Poética fízose con edición, introducción y notes de Xosé Nel Comba Paz.


martes, 5 de noviembre de 2013

Presentación de «Franco nos diccionarios» de Ramón d'Andrés

Miércoles 6 de payares a les 20:00 h presentación del llibru Franco nos diccionarios
y otres impertinencies alredor de la llingüística y les llingües
, de Ramón d’Andrés.

Intervienen:
• Xuan Xosé Sánchez Vicente, escritor
• Inaciu Iglesias, de Publicaciones Ámbitu

Llugar: Club de Prensa de La Nueva España (Cai Calvo Sotelo, 7, 33007 Uviéu)