miércoles, 26 de septiembre de 2012

Faer Asturies. La política llingüística y la construcción frustrada del nacionalismu asturianu (1974-1999)


Patrick W. Zimmerman
Versión asturiana: Cesáreo García Fernández
Batura, 18
ISBN: 978-84-8053-662-2
14 x 21,5 cm || 460 páxs. || PVP: 15 €

Cola mirada oxetiva y distanciada de quien nun ye del nuesu llar, con lucidez y, al tiempu, empatía, Patrick Zimmermam fai un estudiu eshaustivu del movimientu asturianista, dende los tiempos de la nacencia de Conceyu Bable –y el so antecedente, l’asociación Amigos del Bable– allá pel añu 1974 hasta l’acabu del sieglu xx.
Tres más de trenta años d’esporpolle, l’asturianismu cultural, que dio más tarde, o quixo dar, en ser políticu, tien lluces y sombres en sí mesmu y en rellación colos partíos mayoritarios d’Asturies, que fueron quien a emburriar esti movimientu a la marxinalidá.
Nel terrén políticu, l’asturianismu tuvo ciertu puxu allá pelos años noventa del sieglu pasáu, de la que foi a llevar a la Xunta Xeneral un diputáu, representante de la xuntura ente’l PAS y la UNA. L’ocasu llegó cola perda d’esti diputáu y la atomización d’un movimientu que, si bien cuenta coles simpatíes d’una parte de la sociedá asturiana, nun foi a dar el saltu definitivu que lu llantara daveres como una posibilidá real de facer política con mayúscules.
Con un trabayu de campu –documental y oral– de gran caláu, l’autor céntrase nel casu asturianu como paradigma de frustración d’un nacionalismu que nunca nun foi a guarir na sociedá asturiana, bien a la contra de lo qu’asocedió n’otres comunidaes autónomes vecines, como Galicia, Euskadi, Cataluña o mesmamente Andalucía. Esi mesmu trabayu llévalu a amosanos les contradicciones d’una corriente que nació baxo’l franquismu y que nun s’adaptó apode a la nueva realidá del Estáu de les Autonomíes y de la democracia lliberal.
Patrick Alan Zimmerman (California, 1981) ye doctor pola Universidá Carnegie Mellon de Pittsburgh; esti llibru ye’l resultáu del trabayu fechu pa la so tesis doctoral.

martes, 25 de septiembre de 2012

El tiempo que vendrá


Ovidio Parades
ISBN: 978-84-8053-671-4
13 x 20,5 cm || 122 páxs. || PVP: 12 €

«De todo esto me salvaste, aunque tú no lo sepas, Eneko», dice el protagonista de esta novela que narra la vida como un viaje simbólico hacia uno mismo: las derrotas, los malos momentos de depresión y aislamientos, de niño «distinto y sensible» en una España sobre la que aún planeaba la larga sombra de los días tristes. Poco a poco, nuestro protagonista se va abriendo camino, como el propio país, dejando que la luz y los cambios entren por las ventanas, aún a medio abrir, de la vida, individual y colectiva, de los españoles. Para un niño distinto, la vida era –y en cierta medida continúa siendo–, en la España de hace unas décadas, una carrera de obstáculos que nuestro personaje debe salvar, y salva, a pesar de las derrotas dolorosas, pero pasajeras. «De todo esto me salvaste, aunque tú no lo sepas, Eneko», confiesa al final el narrador de esta obra que se vuelve generacional, simbólica y optimista. La historia de un aprendizaje. La historia, sobre todo, de un amor que no se esconde.
Ovidio Parades nació en Oviedo en 1971. Comenzó a escribir a una edad tem­pra­na. Desde entonces, escribe cuentos y relatos, por los que ha recibido diferentes premios. Tam­bién colabora en diversas publicaciones (Clarín. Revista de nueva literatura, El Súmmum, Les Noticies, La Nueva España), donde escribe sobre libros, música, películas o espectáculos teatrales. En 2001 publicó L’habitación azul. En 2010 El extraño viaje, con importante éxito de público y crítica. Y en 2011, repitió ese éxito con Ventanas compartidas.

lunes, 24 de septiembre de 2012

Cipriano Folgueras. Una gloria d'Asturies


Lluis Portal
XVII Premiu d'Ensayu «Máximo Fuertes Acevedo»
ISBN: 978-84-8053-667-7
15 x 24 cm || 184 páxs. || PVP: 10 €

Asturies escaez a la so xente más brillante con una facilidá que sorprende. Eso-y pasó a ún de los artistes más bonos que diera esta tierra allá per finales del sieglu xix y los primeros años del xx: l’escultor uvieín Cipriano Folgueras.
Nacíu n’Uviéu, estudió en Madrid y Roma y viaxó per Italia y Francia, onde entró en contactu colos artistes de vanguardia, ente otros Rodin, y supo dir escaeciendo la escultura de trazu románticu pa xubise a un realismu incipiente, que-yos dio sonadía a delles de les sos escultures más consiguíes: Orestes persiguíu poles furies, Celta o Astur, Los primeros pendientes, El sacamueles…
La mala suerte acompañó a esti artista, que fue emponderáu y que recibió encargos públicos y privaos, pero del que malapenes se caltienen de pies unes poques obres: el Valdés Salas sedente del patiu del edificio históricu de la Universidá d’Uviéu, La vilba de Santander o’l panteón de los marqueses de San Xuan de Nieva nel cementeriu avilesín de La Carriona… Les más d’elles desapaecieron bien na Guerra Civil, bien nes telarañes del tiempu.
L’autor quier con esti llibru rescatar del escaezu a un escultor d’importancia, y devolve-yos a los asturianos, si non les sos obres, sí la so memoria y l’alcordanza.
Lluis Portal Hevia (Villaviciosa, 1964) ganó per dos veces el Premiu Uviéu de Teatru coles obres Oh 36! (2007) y Poison (2008). Pelegrinos del abismu y El club de los valientes son dos noveles xuveniles, que-y fixeron algamar los premios de l’ALLA y d’Asturnews. Amás, tien escrites obres biográfiques (Francisco Balbín, Xiquín de Villaverde), etnográfiques (Secretos de Pandenes) y el llibru de cuentos Trófimo y Radamés.

Camín de lletres: d'Asturies a Nueva York


Paquita Suárez Coalla
Ilustraciones de Nanu González
IV Premiu «María Josefa Canellada» de Lliteratura Infantil y Xuvenil
ISBN: 978-84-8053-666-X
15 x 24 cm || 80 páxs. || PVP: 7 €

«A ye p’Asturies». D’esta manera, que nun ye otro qu’una declaración d’intenciones, entama Paquita Suárez Coalla’l llibru Camín de lletres: d’Asturies a Nueva York, una moderna crónica, ordenada alfabéticamente, de la nueva emigración asturiana: cosmopolita y moderna.
Cada lletra del alfabetu asturianu ye una estampa distinta na qu’una nena, fía d’asturiana, va contando la so vida en dos espacios distintos: l’Asturies de les vacaciones del veranu y la Nueva York del restu l’añu.
Escrita nun asturianu natural y pulío, esta pequeña obra d’arte ye adaptable a la reciella d’estremaes edaes.
Paquita Suárez Coalla (Grullos, Candamu, 1965), asturiana afincada en Nueva York dende cuantayá, onde da clases d’español na Universidá, publicó en 2001 La mio vida ye una novela. Testimonios de las mujeres del campo de Asturias y dos años más tarde la so primer obra de creación, el llibru de rellatos Pa nun escaeceme, al que siguió El día que nos llevaron al cine y otros cuentos, entrambos los dos traducíos al castellanu y al inglés. Ye también coordinadora de l’antoloxía d’escritores latinos residentes en Nueva York Aquí me tocó escribir.

miércoles, 12 de septiembre de 2012

martes, 11 de septiembre de 2012

Presentación del «Refraneru asturianu» na Arribada de Xixón


XUEVES 13

20:30 hores. Presentación del llibru Refraneru Asturianu de Xuan Xosé Sánchez Vicente y Xesús Cañedo Valle.
Llugar: Centru de Cultura Antiguu Institutu [Xixón].

Presentación d'«A la mar» na Arribada de Xixón


MIÉRCOLES 12
19:00 hores. Presentación del llibru A la mar de Xuacu Álvarez Suárez.
Llugar: Centru de Cultura Antiguu Institutu [Xixón].