jueves, 26 de abril de 2012

«Poesíes», Benito de l'Auxa y Antón Balvidares


Benito de l'Auxa / Antón Balvidares
Edición, introducción y notes de Xuan Carlos Busto
Clásicos asturianos, 4
ISBN: 978-84-8053-655-4
14,5 x 22 cm
 || 256 páxs. || PVP: 15 €

Llibru conmemorativu de la 33ª Selmana de les Lletres Asturianes, dedicada esti añu 2012 a Benito de l'Auxa y Antón Balvidares.
Atrópase nesti llibru una bona embozada con toles poesíes conocíes y conservaes hasta güei de dos autores cabezaleros pa les lletres asturianes de la Ilustración: Benito de l’Auxa y Antón Balvidares. D’esta miente prosiguimos el llabor, entamáu hai cuasi dos décades, d’afondar na conocencia de los escritores y de les obres cumes de la nuesa hestoria lliteraria. L’estudiu y edición crítica de la poesía de Xosefa Xovellanos que, per aquel entós, se mostraba na coleición «Clásicos Asturianos», diba sirvir de rozón amañosu a la de prosiguir escazando nel complexu fexe de circunstancies que conformen l’esporpolle de la poesía bable na segunda mitada del sieglu XVIII
Col estudiu de les figures de Benito de l’Auxa y Antón Balvidares complétase’l círculu de los poetes n’asturianu más averaos, por llazos de sangre o d’amistá, a Gaspar Melchor de Xovellanos.

lunes, 2 de abril de 2012

Queixas, conxuros ya poemas gráficos d'un tiempu que foi

Naciu 'i RiguilónISBN: 978-84-8053-640-0
16,5 x 24 cm || 290 páxs. || PVP: 12 €

Esti volume atropa tola poesía de Naciu 'i Riguilón (Mual, Cangas del Narcea, 1962), poesía pura, seciel.la ya enforma personal.
Tres son las partes nas que ta dividíu'l l.libru, que se correspuenden conos dous poemarios yá va tiempu publicaos (Queixas ya conxuros, 2011, ya D'un tiempu que foi, 2005) amás del inéditu conxuntu de dibuxos, «Poemas gráficos».
En versión bil.lingüe asturianu-castel.lanu, nesti poemariu puede rastrexase l'universu personal, míticu ya intimista del autor.