miércoles, 11 de mayo de 2011

SEGUNDA EDICIÓN de «El extraño viaje» de Ovidio Parades


Tras el éxito obtenido de lectores y crítica, ya a la venta la SEGUNDA EDICIÓN de El extraño viaje de Ovidio Parades.

«Este libro me ha gustado tanto, tanto…» Elvira Lindo.

«Te entra, leyendo El extraño viaje, una sensación no de conformidad, eso no y nunca, sino de cierto orden en el caos del universo. El orden que ponen, como pueden, los sentimientos nobles, los comportamientos dignos, las personas de bien» Maruja Torres, El País Semanal

Presentación del llibru «El síndrome de Sherezade» de Vicente García Oliva


A la Conseyería de Cultura y Turismu y a Ediciones Trabe présta-yos convidar a la presentación del llibru El síndrome de Sherezade de Vicente García Oliva. Obra ganadora del Premiu d'Ensayu «Máximo Fuertes Acevedo» 2010.
Intervienen nel actu: Roberto González-Quevedo González, profesor de la Universidá d'Uviéu y Vicente García Oliva, autor del llibru.
L'actu va celebrase na Feria LlibrUviéu (Carpa asitiada nel Paséu los Álamos d'Uviéu) el vienres 13 de mayu de 2011 a les 19:00 hores.

martes, 10 de mayo de 2011

En cata de la mio lluna. Antoloxía lliteraria


Mánfer de la Llera
Introducción y edición de Severino Antuña González
ISBN: 978-84-8053-619-6
14 x 22 cm
|| 468 páxs. || PVP: 18 €

Esti llibru sal a la cai con motivu de la XXXII Selmana de les Lletres Asturianes, dedicada a Manuel d'Andrés Fernández, Mánfer de la Llera (1918-2005). Recuéyese nél la obra esencial del desaparecíu escritor llangreanu.

A pespunte

III Premiu «María Josefa Canellada» de Lliteratura Infantil y Xuvenil
Montserrat Garnacho
Ilustraciones de Nanu González
ISBN: 978-84-8053-605-9
15 x 24 cm
|| 80 páxs. || PVP: 7 €

Montserrat Garnacho Escayo (Mieres del Camín, 1952) ye una activista de la cultura, cuentacuentos xenerosa y escritora prolífica, amás de «caleyera» incansable. Tien una amplia obra publicada, qu’abarca xéneros y temátiques bien distintes: lliteratura xuvenil –Maruxes y Xuanes, La sal y el formientu, El formientu y la sal (Cuando se presenta la ocasión)– y infantil –Avisómos una estrella, ¡Coles tripes na garganta!– o etnográfica –Caleyes con oficiu–. Collaboradora con dellos diarios asturianos, la mina ye una de les temátiques recurrentes na so obra –Hombres y carbón, Mujeres mineras–. Como incursión nel mundu del cómic, tien publicáu Constantino Turón, mientres que’l so apegu a la tradición oral y a la cultura popular llevóla a recoyer les cosadielles que circulen per Asturies de boca en boca nel volume Y nun ye picardía...
Pero la so obra nun s’escosa nestos campos porque tien, amás, escritos guiones pa televisión y monólogos, esi xéneru tan asturianu al qu’ella ye a da-y un aire y una mirada nuevos.
Con vocación pedagóxica, les obres qu’ufierta a la xente más mozo aúnen siem-pre l’entre-tenimientu y el deprendimientu, arreblagando penriba los pilancos que la sociedá d’anguaño pon a la cultura propia y a la lletra impreso.
A pespunte ye una obra mui bien afilvanada, na que los cuentos tradicionales tornen n’obrines de teatru pa que l’alumnáu sía a representalos depués de conocelos y tastialos igual que se tastia una bona comida.

El síndrome de Sherezade


XVI Premiu d'Ensayu «Máximo Fuertes Acevedo»
Vicente García Oliva
ISBN: 978-84-8053-606-6
15 x 24 cm
|| 88 páxs. || PVP: 7 €

D’igual manera qu’a Sherezade –la protagonista de Les mil y una nueches– contar cuentos valió-y pa ganar –o caltener– la vida, a la humanidá inventar y contar cuentos y lleendes val-y pa esplicar a sigo mesma los misterios de la vida, de la naturaleza y de la muerte. Esti ye’l filu conductor qu’encadarma y entretexe la obra El síndrome de Sherezade de Vicente García Oliva, ganadora del Premiu d’Ensayu «Máximo Fuertes Acevedo» del añu 2010.
Clara, concisa, mui bien desenrollada y guapamente contada, nella l’autor acuña un términu nuevu –«síndrome de Sherezade»– pa esplicar la querencia de les sociedaes tradicionales polos cuentos y cómo fueron a tresmitilos xeneración tres xeneración hasta los díes d’anguaño.
Vicente García Oliva (Xixón, 1945) ye ún de los escritores más prolíficos de la lliteratura asturiana. Consideráu’l padre la narrativa xuvenil (Fontenebrosa: el reinu de los silentes; Les aventures de Xicu y Ventolín; Elemental, querida Lisa; Fontenebrosa II: la rebelión de los homosaurios, ente más otres), ye amás de narrador (El norte, Costelaciones) un estudiosu de la influencia de la tradición oral na nuestra lliteratura, con trabayos como El ríu soterrañu. La tradición na narrativa asturiana de güei.