lunes, 3 de mayo de 2010

L'horru


José Luis Fernández :: Francisco Pimiango
23 x 23,5 cm (tapa dura)
36 páxs.

Nel horru del güelu de Manolín hai tres habitantes bien distintos. Pero son amigos. Na clase de Manolín hai tamién dellos escolinos muncho bien estremaos. Pero xueguen xuntos y pásenlo en grande. ¿Por qué nun pue ser el mundu como l’horru del güelu o como la escuela de la reciella?

Poesía

Xosé Antonio García
15 x 22 cm (tapa dura)
120 páxs.

Esti llibru sal a la cai con motivu de la XXXI Selmana de les Lletres Asturianes, dedicada esti añu al desapaecíu escritor de Mieres del Camín Xosé Antonio García (1961-1997).

Recueye esti volume los libros publicados El cuartetu de la criación y Alcordances d’un home muertu, Voz en off (llibru que nun se llegó a publicar), asina como testos espardíos en varies publicaciones y dalgunos poemes inéditos.

Mercar el llibru

La piedra ente la ñeve

Josep Carles Laínez
14 x 21 cm
74 páxs.

Curiosu poremariu n´edición billingüe asturianu-alfabetu deseret.

Josep Carles Laínez (València, 1970) escribe n’asturianu dende 1991. Los años 1997 y 2008, algamó’l Premiu de Teatru de l’Academia de la Llingua Asturiana coles obres Elsa metálico (1998) y Thule (2010). Con posterioridá, publicó’l poemariu Lenta lletanía del cuerpu nel hedreru (2005), diversos fragmentos del dietariu La muerte del padre (2009) y la edición y torna al español de la Poesía asturiana completa de Lluís X. Álvarez (2009).

Mercar el llibru

Trenta razóis pra nun medrar

Miguel Rodríguez Monteavaro
14 x 21 cm
82 páxs.

Miguel Rodríguez Monteavaro (Bual, 1990) é a voz máis nova da poesía en gallego-asturiano. Deuse a conocer con colaboracióis en revistas como Entrambasauguas. Lletres Lliterariu ou Trabatel condo cuasemente nin fixera os 18 anos. Tamén prosista –ganóu nel 2009 el Premio Xeira de narracióis curtias–, chega col esfouto da súa mocedá pra brindarnos Trenta razóis pra nun medrar.

A voz d’este escritor bualés vén a confirmar qu’hai zume novo, y con ben personalidá, prá lliteratura en gallego-asturiano. A esactitú y el procuro llingüístico resultan chamadeiros y dan fe del amor del poeta pola llingua cua que trabaya. Trenta razóis pra nun medrar fala d’un tempo en que «visitábamos todas as estrellas sin peligro de queimarnos», del paso d’us anos que –anque sían poucos– tamén empezan a pesar nos ombros. Del mesmo xeito, amostra con ilusión el milagre da creación d’un poema, el afán por pintar «alegrías y ameiceres». Nos sous versos pódese chegar á llúa y a os fondales del mar ou esplorar con agayo os camíos da terra, pódese sentir a señardá por un tempo que ben puido ser ayer ou el medo a nun ter valor pra cambiar úa vida que cuasemente empezóu a vivirse entayer. Trátase, al cabo, de «trabayar os nosos soños / y escorrer, un pouco máis llonxe, / el futuro».

Mansín

Carla Menéndez Fernández
26,5 x19 cm (tapa dura)
28 páxs.

Prestosu llibru ilustráu a too color enfocáu a la reciella más nuevo. Cola ayuda de Mansín, el famosu gallón que paseó peles cais de Tarna, descubrirán el mundu natural y la cultura asturiana.

Páxines del llibru muertu

Elisabet Felgueroso López
13 x 20 cm
130 páxs.

El llibru de la vida que’l ser humanu escribe contién páxines amargues como les que nos cuenten la muerte del llibru que con tantu esfotu lleía Alvarina; páxines escures per onde andulien el maltratu y l’abusu familiar, nes que la muerte señoria les ringleres torcíes del destín. Hai llibros nos que la vida humana tien menos valir que la tapicería del coche de los ingleses del pueblu d’Olivina Ruiz. Por embargu hai tamién páxines anubríes d’humanidá y d’arguyu, llinies que marquen el camín del amor más grande y de la solidaridá.

De tolo anterior tán feches les páxines d’esti llibru d’Elisabet Felgueroso, escrites con mano firme y grandes dotes de narradora.

Elisabet Felgueroso López (Llangréu, 1980) ye llicenciada en Filoloxía Hispánica pola Universidá d’Uviéu, onde cursó’l doctoráu n’Estudios de la Muyer, dedicando’l so trabayu d’investigación al tratamientu de la imaxe de la muyer na cultura minera a finales del sieglu XIX. Algamó dellos premios lliterarios n’asturianu y castellán y tien espublizao en varies revistes y antoloxíes de rellatos. Ye colaboradora del diariu La Nueva España, onde firma la columna «El filandón».

Les últimes Pallabres

Ricardo Candás
13 x 20 cm
120 páxs.

Doce son los títulos qu’inclúi esta compilación de rellatos de Ricardo Candas, crónica d’un mundu que cai y diz les pallabres últimes. Tres del aire inmóvil que percuerre los espacios pelos que transita la mirada certera del autor búi un soplu de muerte y acabación, pero tamién d’inocencia. Inocencia de rapacín que tenta d’ayudar al padre a escapar de la mala vida de la mina apurríéndo-y llapiceros asgaya pa qu’axunte carbón bastante como pa nun volver a picar nes coraes de la tierra.

Ricardo Candás (Xixón, 1977) ye llicenciáu en Filosofía pola Universidá d’Uviéu. Escritor billingüe, tien publicáu nesta mesma editorial el poemariu ganador del premiu de poesía «Fernán-Coronas» del añu 2005, Quiciás seya payares. Como narrador ye esta la so primer obra publicada, magar que yá tenga ganaos dellos premios y dalgunos de los rellatos d’esti llibru fueran yá publicaos en dalguna revista o llibru compilatoriu.

Mercar el llibru